WhatsApp Image 2025-03-14 at 21.36.11
― 16 mart 2025

ТҮРКСОЙ мен Әзербайжан Мәдениет министрлігі арасында үйлестіру жиыны өтті

― 16 mart 2025

ТҮРКСОЙ мен Әзербайжан Мәдениет министрлігі арасында үйлестіру жиыны өтті

ТҮРКСОЙ мен Әзербайжан Мәдениет министрлігі арасында 2025 жылғы 14 наурызда үйлестіру жиыны өтті. Кездесуге Әзербайжан Мәдениет министрі Адил Керимли мен ТҮРКСОЙ Бас хатшысы Сұлтан Раев қатысты. Басқосуда ТҮРКСОЙ-дың 2025 жылға арналған іс-шаралары қаралып, ынтымақтастық мүмкіндіктері талқыланды.

Бас хатшы Сұлтан Раев 2025 жылғы 5 сәуірде өтетін "Ақтау - түркі әлемінің мәдениет астанасының" ашылуы туралы толық ақпарат беріп, бұл шараның түркі дүниесі ынтымақтастығына және бай түркі мәдениетін танытуға қосатын үлесіне назар аударды. ТҮРКСОЙ жариялаған 2025 жыл Бахтияр Вахабзаде жылы аясында жүзеге асырылатын және жыл бойы өтетін іс-шаралар да талқыланды. Министр Адил Керимли түркі әлемі мәдени астанасының ашылуына Әзербайжаннан үлкен бір топ суретшілермен қатысатындарын айтып, жоспарланған іс-шаралардың сәтті өтетініне сенім білдірді. Сонымен қатар, 2025 жылғы Бахтияр Вахабзаде жылы үшін қажетті барлық қолдауды көрсетуге дайын екендерін айтты.

ТҮРКСОЙ Бас хатшысы Сұлтан Раев Әзербайжан Мәдениет министрлігіне көрсеткен қолдауы үшін алғысын білдіріп, Әзербайжандағы мәдениетке бағытталған жұмыстардың маңыздылығына назар аударды. Сондай-ақ, сапар барысында Мәдениет министрлігі ұйымдастырған "Мәдени және шығармашылық индустриялар даму" орталығын да аралап, орталықтың шығармашылық жобаларын жоғары бағалады. Орталықтың бүкіл түркі әлемі үшін үлгі болатынын атап өткен Раев, ТҮРКСОЙ мен орталықтың бірлескен жобаларды дамыту жөнінде жұмыстар жүргізіп жатқанын айтты.

Жиынның маңызды тақырыптарының бірі түркі әлемі анимация саласының дамуы болды. Түркі дүниесінде анимациялық фильм өндірісін арттыру мақсатында ТҮРКСОЙ аталмыш орталықпен және "Түркі әлемі анимация Одағы" бірлесіп бастаған пилоттық жоба туралы презентация жасалды. Жоба аясында ТҮРКСОЙ-ға мүше елдердің тиісті министрліктерімен бірлесіп, балалар мен жастарға арналған, ортақ түркі мәдениетін танытатын анимациялық жобаларға қаржылай қолдау көрсететін құрылым құру жоспарланып отыр.

Медиа галереясы

WhatsApp Image 2025-03-14 at 20.27.31
WhatsApp Image 2025-03-14 at 20.27.40
WhatsApp Image 2025-03-14 at 21.36.11
WhatsApp Image 2025-03-14 at 20.27.31