― 3 февраля 2025 г.

TÜRKSOY Bosh kotibi Sulton Rayev TDT Bosh kotibi Kubanichbek O‘muraliev bilan uchrashdi

Xalqaro Turk Madaniyati Tashkiloti (TÜRKSOY) Bosh kotibi Sulton Rayev Turkiy Davlatlar Tashkiloti (TDT) Bosh kotibi Kubanichbek O‘muraliev bilan samimiy uchrashuv o‘tkazdi. Uchrashuv davomida 2025-yil uchun rejalashtirilgan qo‘shma loyihalar, madaniy hamkorlik tashabbuslari va turkiy davlatlar tashkilotlari o‘rtasidagi hamkorlikni kuchaytirish masalalari muhokama qilindi.

Ikki tashkilotning umumiy maqsadlariga asoslangan mazkur uchrashuvda, 2025-yilda rejalashtirilgan madaniy va san’at tadbirlarini, birgalikda amalga oshiriladigan loyihalar va institutsional hamkorlik imkoniyatlari ko‘rib chiqildi.

Bosh kotib Sulton Rayev TÜRKSOYning turk dunyosining umumiy madaniy merosini asrash, targ‘ib qilish va kelajak avlodlarga yetkazish borasidagi o‘rni va ahamiyatini ta’kidlab o‘tdi. Shuningdek, TDT bilan o‘rnatilgan mustahkam aloqalarning bu jarayonda katta ahamiyatga ega ekanini qayd etdi.

TDT Bosh kotibi Kubanichbek O‘muraliev TÜRKSOYning faoliyatini yuksak baholab, tashkilotning turk dunyosi madaniyatini rivojlantirishdagi hissasini e’tirof etdi. U, shuningdek, TÜRKSOY bilan mavjud hamkorlikni yanada mustahkamlashga tayyor ekanligini bildirib o‘tdi.

Ushbu uchrashuv ikki tashkilotning turk dunyosi madaniyatini rivojlantirish borasidagi umumiy sa’y-harakatlarini yanada mustahkamlash uchun muhim qadam bo‘ldi.