― 21 марта 2025 г.

ТҮРКСОЙ делегациясы Наурыз мерекесіне орай Түркия Республикасы Мәдениет және туризм министрлігіне арнайы барды

Түркі әлемі Наурыз мейрамын үлкен шаттықпен қарсы алуда! Осы көне мерекеге орай Халықаралық ТҮРКСОЙ түркі мәдениеті ұйымының Бас хатшысы Сұлтан Раев, ТҮРКСОЙ Бас хатшысының орынбасары Саит Юсуф және ТҮРКСОЙ делегациясы Түркия Республикасының Мәдениет және туризм министрлігіне барды. Делегацияны өз кабинетінде қабылдаған Түркия Республикасының Мәдениет және туризм министрі Мехмет Нури Ерсой түркі әлемінің мәдениеті мен тарих жадын сақтауға деген ұмтылысын атап өтті.

"Наурыз Түркі әлемінің жадын жаңартады"

Наурыз Түркі әлемінің ортақ мәдени мұрасын көрсететінін және мыңдаған жылдық дәстүр ретінде бірлік пен ынтымақтастықты білдіретінін айтқан министр Ерсой бұл мерекелердің тарих санасын күшейтетінін жеткізді. Ерсой: "Наурыз ата-бабаларымыздың табиғатпен үйлесімді өмір сүргенін, өмірге берген құндылығын және керемет өмір салтын қалыптастырғанын көрсететін маңызды дәстүр", - деді.

Технологияның әкелген жаһандық әсерлерімен қатар мәдени мұраны қорғау мәселесінде сезімтал болу керектігін жеткізген Ерсой: "Қолдан түспейтін, қалтадан шықпайтын технологиялық өнімдерден тараған және тура мағынасында мәңгүрттенуге себеп болатын әсерлерге қарсы күресудеміз. Өз мәдениетімізді және тарих санамызды сақтай отырып, болашаққа сенімді қадамдармен баруымыз керек", - деді.

ТҮРКСОЙ-дың 32 жылдық мәдени күресі

ТҮРКСОЙ құрылған күннен бастап Түркі әлемінің мәдениетін және ортақ құндылықтарын сақтауға үлкен ықыласпен жұмыс істегенін айтқан министр Ерсой: "ТҮРКСОЙ-дың Түркі әлемінің жүрегінде орын алуы оның жасаған жұмыстарының арқасында. Министрлік ретінде біз бұл мәдени күресте әрқашан иық тірестіреміз", - деді.

Сұлтан Раев: "Наурыз - Түркінің салты, Түркінің мерекесі!"

ТҮРКСОЙ Бас хатшысы Сұлтан Раев Наурыздың Түркі әлемі үшін тек көктемнің келуін хабарлайтын мереке ғана емес, сонымен қатар бірлік, бауырластық және берекені білдіретін дәстүр екенін айтты. Раев: "Наурыз бізді ортақ мәдени жадымызда кездестіретін күшті байланыс. Бұл маңызды күннің 2009 жылы ЮНЕСКО тарапынан "Материалдық емес мәдени мұра" ретінде танылуы және 2010 жылы Біріккен Ұлттар Ұйымы тарапынан "Халықаралық Наурыз күні" деп жариялануы бұл мерекенің әмбебап құндылығын тағы да көрсетеді", - деді.

Кездесу министр Ерсой мен Бас хатшы Раевтың Наурыз дәстүрі болып табылатын жұмыртқа соғыстырумен басталып, ТҮРКСОЙ делегациясының құрамындағы өнерпаздардың музыкалық ән-шашуымен аяқталды.