― 10 мая 2024 г.

ТҮРКСОЙ-да Дүниежүзілік жас түркі жазушылар одағының XXV жиыны өтті

Анкарада ТҮРКСОЙ ұйымының ұйымдастыруымен Дүниежүзілік жас түрік жазушылар одағының (DGTYB) XXV Құрылтай жиналысы өтті.

Жиынның салтанатты ашылуында сөз алған ТҮРКСОЙ Бас хатшысы Сұлтан Раев ТҮРКСОЙ құрылған күннен бастап 1993 жылдан бері түркі әлемінің мәдениеті мен өнерін ілгерілету бағытында жұмыс істеп келе жатқанын және ұйымға мүше елдердің авторлары жазған маңызды шығармалардың жүйелі түрде жарияланатынын, сондай-ақ түбі бір түркі тілдерге аударылып, жарыққа шығуын қамтамасыз еткенін атап өтті. Сонымен қатар ол ТҮРКСОЙ-дың қаламгерлердің басын қосар шаңыраққа айналғанына да тоқталып өтті.

Сөзін жалғастырған Раев Дүниежүзілік жас түркі жазушылар одағының штаб-пәтері бауырлас ел Әзербайжанда болса да, рухани орталығы Анкарада екенін айтып: «Одақтың 50-ден астам кітаптың жарыққа шығуына үлес қосып, құрылған күннен бастап мәдени іс-шаралар мен маңызды жиындарға белсенділік танытып келеді», -деді.

Жиналыста сөз сөйлеген DGTYB құрылтайшы төрағасы Экбер Кошалы ТҮРКСОЙ мен Сұлтан Раевқа қонақжайлылықтары үшін алғысын білдіріп, түркі әлемінен көптеген шығармалардың оқырмандарға жол тартуына үлес қосқан DGTYB-ның бұдан былай да белсенділікпен жұмысын жалғастыратынын айтты.

Экбер Қошалы сөзін ТҮРКСОЙ мен Түркияның әлемдегі барша түркілердің отаны екенін айтып, «Біз мұнда өзімізді бөтенсінбейміз! 25-жылмен бітпейді, бұл - жаңа әрі күшті бастаманың алғашқы қадамы. DGTYB өзінің мәдени қызметін жалғастырады және келер ұрпақ DGTYB-ны одан әрі дамытады», - деді.

DGTYB төрағасы Интикам Яшар өз сөзінде Дүниежүзілік жас түрік жазушылар одағының құрылу миссиясынан ауытқымай, ТҮРКСОЙ шаңырағында әлі талай жиырма бес жыл тойланатынын айтты.

Жиналыста сөз алған Расмье Сабир 25 жыл бұрын қаржысыз, тек махаббатпен жолға шыққан кәсіподақтың қол жеткізген жетістіктерінің таңғаларлық екенін айтып, «Шынайы махаббатпен бастаған ісіміз 25 жыл ішінде мәдениетпен көмкерілді», - деді.

Жиынның панельдік бөлімінде сөз алған Еуразия Жазушылар одағының президенті Якуп Өмероглу Дүниежүзілік жас түрік жазушылар одағының жұмысына жоғары баға берді.

Сондай-ақ, панельде Расмийе Сабирдің «Жер мен аспан арасында», Экбер Кошалының «Алтайдан кеткен аттар», Шемсеттин Күзежидің «Өлеңдерім» және  Интикам Яшардың «Есіміңді қаламға алдым» туындыларының  тұсауы кесілді.

Бас хатшы Сұлтан Раев, Экбер Кошалы, Расмье Сабир, Интикам Яшар және Шемсеттин Күзеджиге ТҮРКСОЙ-дың 30 жылдығына арналған медалін табыс етті. Жиын соңында Өмер Түрікменоғлұның атынан шағын түркі әлемі халық әндері шырқалды. Кездесу соңы суретке түсумен тәмәмдалды.