― 19 марта 2025 г.

ТҮРКСОЙ Бас хатшысы Сұлтан Раевтың Берлинге сапары және Түркі әлемі елшілерімен кездесуі

ТҮРКСОЙ Бас хатшысы Сұлтан Раев 2025 жылдың 17 наурызында Әзербайжан мәдениет орталығында өткен кездесуде Берлинде орналасқан ТҮРКСОЙ-ға мүше елдердің елшілерімен кездесті. Сапар маусым айында Берлинде өтетін «Түркі әлемінің әлем ғылымы мен мәдениетіне қосқан үлесі» атты панель және онымен бірге өтетін басқа да мәдени іс-шараларды үйлестіру процесі аясында ұйымдастырылды.

Кездесуге Әзербайжан Республикасының елшісі Насими Агаев, Қазақстан Республикасының елшісі Нұрлан Онжанов, Қырғыз Республикасының елшісі Өмірбек Текебаев, Өзбекстан Республикасының елшісі Дилшод Ахатов, Түркия Республикасының елшісі Гөкхан Тұран, Түрікменстан елшісі Бердімұрат Реджепов және Юнус Эмре институтының Германиядағы үйлестірушісі Самет Капысыз қатысты.

ТҮРКСОЙ-дың көпжақты мәдени ынтымақтастықты күшейтуге бағытталған жұмыстары талқыланған кездесуде Берлинде өтетін ауқымды мәдени бағдарламаның Түркі әлемінің ғылым, өнер және мәдени мұра саласындағы байлығын халықаралық қоғамдастыққа таныту әлеуеті сөз болды.

Кездесуден кейін Әзербайжан Республикасының Берлиндегі елшісі Насими Агаевтың ұйымдастыруымен Түркі әлемі елшілерінің қатысуымен ТҮРКСОЙ Бас хатшысы Сұлтан Раевтың сапарына орай ауызашар берілді.