WhatsApp Image 2025-03-28 at 01.00.57 (9)
28 марта 2025 г.

Түркі әлемінің Наурыз тойы Ыстанбұлда жалғасып жатыр

28 марта 2025 г.

Түркі әлемінің Наурыз тойы Ыстанбұлда жалғасып жатыр

Ыстанбұлдағы Баджылар ауданы және Яловада ТҮРКСОЙ-дың 2025 жылғы Наурыз бағдарламасы аясында Батыс Қазақстанның Орал қаласынан Ғарифолла Құрманғалиев атындағы филармонияның әртістері мен Алматыдан «Аталар мұрасы» этнографиялық дизайн бірлестігінің қолөнер шеберлері концерт қойып, көрме өткізді.

Филармония директоры Бауыржан Халиолла және «Аталар мұрасы» фольклорлық дизайн бірлестігінің төрағасы Қанағат Көдеков қатысқан бұл шаралар өнерсүйер қауымның үлкен қызығушылығына бөленді. 

25 наурыз 2025 жылы Ыстанбұлдың Баджылар ауданы басшылығының қолдауымен өткен шараның ашылуы ТҮРКСОЙ Бас хатшылығы атынан Санжар Мүлазымоғлы мен Баджылар әкімінің орынбасары Бахадир Күршад Кочтың құттықтау сөздерімен басталды. Бір сағатқа созылған шарадан кейін қонақтарға және қолдау білдірген азаматтарға ТҮРКСОЙ Бас хатшысы Сұлтан Раевтің атынан алғыс хаттар мен естелік тақтайшалар табыс етілді. Сонымен қатар концертке көрермен тартқан «Қазақкент Алтай» қауымдастығының төрағасы Жанымхан Жаналтайға да арнайы алғыс хат берілді.

Ал 27-сі өткен концерт Ялова  әкімдігінің ұйымдастыруымен, облыстық мәслихат пен арнайы басқарманың қолдауымен, облыстық мәдениет және туризм басқармасының атсалысуымен жоғары деңгейде өткізілді. Ашылу рәсімінде сөз сөйлеген облыстық мәслихат төрағасы Хасан Сойгүзел Ялованың Түркі әлемінің мәдениетіне ерекше мән беретін қала екенін атап өтіп, ТҮРКСОЙ ұйымына түркітілдес елдердің өнерпаздарын әрдайым Ялова халқымен жүздестіріп жүргені үшін алғысын білдірді. Ал Ялова облыстық мәдениет және туризм басқармасының басшысы Зия Қаратекін концерттен кейін ТҮРКСОЙ ұйымына ризашылығын жеткізіп, қасиетті қазақ даласының әуендері мен қолөнер бұйымдарының Яловаға ерекше сән бергенін атап өтіп, Қазақстаннан келген өнерпаздарға шынайы алғысын білдірді. Керемет кеш соңында әртістерге ТҮРКСОЙ және Ялова облыстық мәдениет және туризм басқармасы атынан алғыс хаттар табысталды.

Медиа галереясы

WhatsApp Image 2025-03-28 at 00.57.48
WhatsApp Image 2025-03-28 at 00.57.10 (2)
WhatsApp Image 2025-03-28 at 00.57.49 (2)
WhatsApp Image 2025-03-28 at 00.57.49 (4)
WhatsApp Image 2025-03-28 at 00.57.50 (1)
WhatsApp Image 2025-03-28 at 00.58.22
WhatsApp Image 2025-03-28 at 00.57.51
WhatsApp Image 2025-03-28 at 01.00.57 (3)
WhatsApp Image 2025-03-28 at 01.00.57 (7)
WhatsApp Image 2025-03-28 at 01.00.57 (8)
WhatsApp Image 2025-03-28 at 01.00.57
WhatsApp Image 2025-03-28 at 01.00.58 (1)

© 2022 TÜRKSOY - Барлық құқық сақталған