― 5 мая 2024 г.
Солтүстік Македонияда «XXXI Халықаралық Хыдыреллез» көктем фестивалі басталды
Солтүстік Македонияда ерекше серпінмен «XXXI Халықаралық Хыдыреллез» көктем фестивалі басталды. 3-6 мамыр аралығында түрлі іс-шаралармен өткен фестивальдің салтанатты ашылуыВаленованың Чалыклы ауылында өтті.
Шараға Солтүстік Македония Республикасының бұрынғы президенті Георге Иванов, Түркия Республикасының Скопьедегі Елшісі Фатих Улусой, ТҮРКСОЙ Бас хатшысының орынбасары Сайит Юсуф, ТДП төрағасы және орынбасары Бейджан Ильяс, ТИКА Скопье координаторы Мехмет Байрак, Валенова мэрі Перо Костадинов, Еңбек және әлеуметтік саясат министрінің орынбасары Энвер Хусейн, Солтүстік Македония Мәдениет министрінің орынбасары Онур Али, MATÜSiTEB төрағасы Тахсин Ибрахим және көптеген мекеме және ұйым өкілдері қатысты.
Мерекелі шара Солтүстік Македония мен Түркияның ұлттық әнұрандарын орындаумен және Чалыклының «Бахар» фольклор тобының Хидреллез дәстүрлерін сахналаумен басталды.
Шенол Тахир, «Фестиваль халықаралық деңгейде өтті»
Фестивальді ұйымдастыру кеңесінің төрағасы Шенол Тахир Хыдыреллездің 33 жыл бұрын жергілікті шара ретінде ұйымдастырыла бастаған мерекенің 2003 жылдан бері республика деңгейіндегі фестивальге айналғанын және 2017 жылы ЮНЕСКО-ның Адамзаттың рухани мәдени тізіміне ену арқылы халықаралық деңгейге көтерілгенін жеткізді.
Сайит Юсуф: «Біз бұл шараларды Балқанның әр бұрышында бірге өткізесміз».
ТҮРКСОЙ Бас хатшысының орынбасары Сайит Юсуф өз сөзінде ТҮРКСОЙ ретінде бұл фестивальді бұдан былай қолдайтынына уәде берді.
«Түркі әлемінің барлық жеріндегідей Балқанның әр бұрышында бұл шараларды бірге жүзеге асырамыз. ТҮРКСОЙ ұйымының құрылу мақсаты да осы. Бұл біздің бүгінгі таңда қолға алып отырған бағдарлама аясына саятын мереке. Біз түркілердің мыңдаған жыл бойы жасаған мәдени құндылықтарын бір-біріне насихаттау, оларды әлемге таныту, мәдениетімізді қорғау, дамыту және нығайту үшін барлық түркі мемлекеттерінде, түркі қауымдары арасында көптеген бағдарламаларды жүзеге асырып жатырмыз», - деді ол.
Елші Фатих Улусой: «Македония түріктері біздің қарым-қатынасымызды одан әрі нығайтады»
Түркия Республикасының Скопье Елшісі Фатих Улусой сөз басында Түркия Республикасының Президенті Режеп Тайып Ердоғанның сәлемін жеткізді.
«Географиясы мен тарихы бір, мәдениеті тоғысқан елдеріміз арасындағы ерекше қарым-қатынастардың бір көрінісі – жыл сайын көктемнің келуін құшақ жая қарсы алуымыз. Олар Түркияның шекарасынан тыс жерде болса да, жүрегімізде орын алған Македония түріктері қарым-қатынасымызды одан әрі нығайта түседі», - деді ол.
Шара көрме, фольклорлық шоу және күрес турнирімен жалғасты. «XXVI түркі мәдениеті»симпозиумы 2024 жылдың 6 мамырында Валеновадағы «25 мамыр мәдениет орталығында» көптеген ғалымдардың қатысуымен өтетін болады.
