― 14 ноября 2024 г.
Ашхабадта түркі әлемі кино саммиті өтті
Ашхабадта Анев-2024 түркі әлемінің мәдени астанасы шаралары және Қорқыт Ата кинофестивалі аясында түркі әлемі кино саммиті өтті.
Түрікменстан Телекинематография радиосы мемлекеттік комитеті мен ТҮРКСОЙ ұйымы ұйымдастырған саммитке ТҮРКСОЙ Бас хатшысы Сұлтан Раев, сондай-ақ ТҮРКСОЙ-ға мүше елдердің кино бас директорлары мен түркі әлемінің түкпір-түкпірінен продюсер, режиссер және актерлар қатысты.
Шарадан кейін баспасөзге мәлімдеме жасаған Бас хатшы Сұлтан Раев түркі әлеміндегі бірлескен өндірістердің маңыздылығына тоқталды.
Түркі әлемі кино қорын құру жұмысының басталғанын айтқан Бас хатшы Раев саммит аясында түркі киносының мүдделі тараптарының бір-бірімен танысып, бірлескен түсірілімдер тұрғысынан көптеген мүмкіндікке қол жеткізе алатынына назар аударды. Бас хатшы Раев Бішкекте өткен Түркі мемлекеттері ұйымының 11-саммитінің шешімдеріне тоқталып: «Президенттеріміз бұл саммитте бізге өте маңызды міндет жүктеді. Бішкекте қабылданған шешіммен түркі кинематографиясын қаржылай қолдайтынын және бірлескен туындылардың жарыққа шығуы үшін қаржыландыру механизмін құру жайы айтылды. Бұл мәселе бойынша тез арада жұмыс тобы құрылады және біз бүкіл сектор көп жылдар бойы күткен жақсы жаңалықты қысқа мерзімде бөлісе аламыз деп ойлаймын. Осы орайда Түркия Республикасы Мәдениет және туризм министрлігінің Кино бас басқармасына алғысымды білдіремін. Өйткені Түркия Республикасының бұл саладағы тәжірибесі күллі түркі әлеміне шуағын шашады. TRT және Кино Бас Басқармасы қазір өте маңызды қолдау көрсетуде. Біздің мақсатымыз – бұл қолдауды одан әрі ұлғайту және ТҮРКСОЙ-ға мүше барлық елдегі кино мамандары пайдалана алатын қолдау тетіктерін арттыру. Күш-жігеріміз халықтарымыз арасындағы достық көпірлерін нығайтуға бағытталған. Бұл тұрғыда киноның құдіреті өте маңызды», - деді ол.
Түрікменстан телеарнасы бас директорының орынбасары Аннесехат Какаев киноның мәдени байланыстарды нығайтатын тиімді құралдардың бірі екенін айтып, Түрікменстанның кино саласындағы бар білімі мен тәжірибесімен бөлісуге дайын екенін айтты. Презентациялардан кейін саммитке қатысушылар Қорқыт Ата кинофестивалін дамытуда маңызды болуы мүмкін идеялары мен пікірлерімен бөлісті.
