― 20 марта 2025 г.
TÜRKSOY Heyətindən TBMM-yə Novruz Bayramı ziyarəti
Novruz Bayramı qeyd olunması çərçivəsində Beynəlxalq Türk Mədəniyyəti Təşkilatı – TÜRKSOY-un Baş katibi Sultan Raev, Baş katibin müavini Sayit Yusuf və onları müşayiət edən Türk Dünyasının sənətçiləri 20 mart 2025-ci il tarixində Türkiyə Böyük Millət Məclisinin (TBMM) sədr müavini Bekir Bozdağı ziyarət etdilər.
Ziyarət zamanı Baş katib Sultan Raev, yeni ilin və ümidin rəmzi hesab edilən səmənilərlə bəzədilmiş bir sini hədiyyə olaraq Bekir Bozdağa təqdim etdi. Raevin zərif hədiyyəsi üçün təşəkkürünü bildirən TBMM sədr müavini Bekir Bozdağ, TBMM sədri adından minnətdarlığını ifadə edərək belə dedi:
“Bugünkü dövrdə bəşəriyyət siyasi, iqtisadi, sosial və humanitar sahələrdə çətinliklərlə dolu bir mərhələdən keçir. Bu prosesin sonunda yeni bir günə, yeni bir coşğuya və dirçəlişə olan ehtiyac açıq-aşkardır. Təəssüf ki, dünya gündəmi bu bayramın sevincini kölgələyən acılarla doludur. Novruzun, ənənəvi olaraq yenidən doğuluş və oyanışı simvolizə etməsi ilə, sülh və əmin-amanlığın hakim olduğu yeni bir dünyanın yaranmasına vəsilə olmasını diləyirəm.”
Bozdağ çıxışının davamında, Novruzun Türk Dünyası və İslam Dünyası üçün bir yenilənmə fürsəti olduğunu, mübarək Ramazan ayının bərəkəti ilə birlikdə bütün bəşəriyyətə xeyir gətirməsini arzuladığını qeyd etdi.
Novruz, Türk Dünyasının könlündə yer alan ən önəmli mədəni irsdir.
Ziyarət zamanı söz alan TÜRKSOY Baş katibi Sultan Raev, TBMM-də qəbul edilməkdən duyduğu məmnuniyyəti ifadə edərək belə dedi:
“Türk Dünyası xalqlarının ortaq bayramı olan Novruz münasibətilə bizləri qəbul etdiyiniz üçün Zati-alinizə dərin təşəkkürlərimi bildirirəm. Novruzun, əsrlərdir Türk Dünyasının könlündə yer alan bir mədəni irs olaraq Türkiyə Cümhuriyyətinin ali məclisi çərçivəsində qeyd olunması böyük bir məna daşıyır. Türk Dünyasından gələn sənət heyətlərinin TBMM-də qəbul edilməsi bu böyük mirasa verilən ən dəyərli nişandır.”
Çıxışlardan sonra günün əhəmiyyətinə uyğun olaraq Türk Dünyasının sənətçiləri tərəfindən musiqi dinlətisi təqdim olundu. Ziyarət, xatirə şəkillərinin çəkilməsi ilə başa çatdı.