― 7 апреля 2025 г.

Türk Rəqsinin Ritimləri festivalı Aktauda başladı

TÜRKSOY tərəfindən 2025-ci il üçün “Türk Dünyası Mədəniyyət Paytaxtı” elan edilən Aktau şəhərində, beynəlxalq “Türk Rəqsinin Ritimləri” festivalı möhtəşəm açılış mərasimi ilə başladı. Festival, Türk Dünyasından gələn rəqs qruplarını bir araya gətirərək ənənəvi rəqs mədəniyyətini yaşatmağı və gələcək nəsillərə ötürməyi hədəfləyir.

Açılış mərasimində Manğıstau vilayətinin qubernator müavini Tilegen Abișev, Aktau şəhərinin valisi Abılkayır Baypakov və TÜRKSOY-un Baş katibi Sultan Raev ilə yanaşı çox sayda sənətçi və qonaq iştirak edib.

TÜRKSOY Baş katibi Sultan Raev açılış nitqində bu festivalın Türk xalqları arasında mədəni qarşılıqlı əlaqəni gücləndirən mühüm bir görüş nöqtəsi olduğunu vurğuladı. Raev: “Bu axşam bizləri incəsənətin ümumbəşəri dili ilə bir araya gətirən rəqqaslarımıza, sənətsevərlərə və əməyi keçən hər kəsə təşəkkür edirəm. Türk Dünyasının birliyini gücləndirən bu cür mədəni tədbirlərin daha da artmasını arzulayıram,” – dedi.

Manğıstau vilayət qubernatorunun müavini Tilegen Abișev də çıxışında festivalın milli rəqs sənətini beynəlxalq səviyyədə tanıtmaq və Türk xalqları arasındakı mədəni bağları gücləndirmək missiyasına sahib olduğunu bildirdi.
“İnanırıq ki, bu festivalda səhnə alan sənətçilər yalnız təcrübə mübadiləsi aparmayacaq, eyni zamanda yeni yaradıcı uğurlara da imza atacaqlar,” – deyən Abișev bütün iştirakçılara uğurlar arzuladı.

Festivalın açılışında Qazaxıstanın ilk çoxmillətli mahnı və rəqs qrupu “Birlik” səhnə aldı. Topluluq, Qazax xalq rəqsinin simvolu sayılan “Kara Jorga” performansı ilə böyük alqış qazandı, tamaşaçılar da rəqslə bərabər iştirak edərək milli mədəniyyətə olan maraq və sevgilərini nümayiş etdirdi.

İki gün davam edəcək festival çərçivəsində doqquz müxtəlif rəqs qrupu səhnə alacaq. Tədbir, Türk Dünyasının ortaq mədəni dəyərlərini rəqs vasitəsilə bir araya gətirməyi və xalqlar arasında bədii körpülər qurmağı qarşısına məqsəd qoyur.