― 20 марта 2025 г.
Ruslan Akunun “Cənnət Anaların Ayaqları Altındadır” filmi Türkiyədə nümayiş olunacaq
Qırğız rejissor Ruslan Akunun 2024-cü ildə çəkilmiş “Cənnət Anaların Ayaqları Altındadır” adlı filmi 21 mart tarixində Türkiyədə kinoteatrlarda nümayiş olunacaq. Duyğusal dərinliyi və güclü mövzusu ilə seçilən film, zehni inkişafı 8 yaşında qalan Adilin, anası Reyhanı əl arabasında daşıyaraq Məkkəyə doğru çıxdığı səfərini anladır. Filmin baş rollarında Emil Esenaliyev və Anarkul Nazakulova yer alır.
Həm vizual, həm də emosional baxımdan təsirli olan bu əsər, tamaşaçıları insanlıq, sevgi və fədakarlıq mövzuları ilə bir araya gətirir. Qırğızıstan tərəfindən Oskar mükafatlarına təqdim edilən, 5 fərqli ölkədə çəkilmiş “Cənnət Anaların Ayaqları Altındadır” filmi Türk Dünyasının zəngin mədəniyyətini sevgi və fədakarlıq mövzusu ilə birləşdirən diqqətçəkən ekran işidir.
Ruslan Akun: Türk xalqlarının ortq dəyəri - ailə və fədakarlıq
Qırğız rejissor Ruslan Akun, filmin nümayişindən öncə Türkiyə Böyük Millət Məclisində (TBMM) baş tutan xüsusi təqdimatdan sonra TÜRKSOY-u ziyarət edib və əsər haqqında fikirlərini bölüşüb.
Akun, Türk xalqları ilə ortaq mədəniyyət və dəyərlər əsasında bu filmi hazırladıqlarını bildirərək, belə deyib:
"Bu film, ananın övladına olan sevgisini, bu sevginin dünyanı necə dəyişə biləcəyini və anaların fədakarlığını əks etdirən bir əsərdir. Biz Türk xalqlarının qardaşlığını və birliyini əks etdirən bir film yaratdıq."
Filmin mövzusu haqqında daha geniş məlumat verən rejissor "Bu filmdə əsas personajlar, Həcc ziyarəti üçün Qırğızıstandan Məkkəyə doğru bütün Türk dövlətlərindən keçərək piyada yol qət edirlər. Filmdəki bu səfər təkcə Həcc ziyarəti deyil, eyni zamanda Türk xalqlarının qardaşlığını və ortaq dəyərlərini nümayiş etdirir. Türk xalqlarının dili, mədəniyyəti və dini eynidir. Bu da bizim üçün çox qiymətli bir ortaq dəyərdir." diyə qeyd edib:
Filmin çəkilişləri 5 ölkədə aparılıb
Film Qırğızıstan, Özbəkistan, Qazaxıstan, Türkiyə, Misir və Səudiyyə Ərəbistanında çəkilib. Çəkilişlər üçün beş il gözlədiklərini bildirən Akun, belə deyib:
"Filmin çəkiliş ideyası, qədim zamanlarda Həcc ziyarətinə gedənlərin yolu piyada qət etməsindən ilham alıb. Bugünkü dövrdə insanlar Həccə piyada gedə bilirlərmi? Bu sualı özümüzə verdik və bu fikir əsasında filmimizi yaratdıq."
Filmin Qırğızıstan Prezidenti Sadır Japarovun dəstəyi ilə ərsəyə gəldiyini bildirən Akun, filmin nümayişindən sonra Qırğızıstan, Özbəkistan, Qazaxıstan, Tatarıstan və Dağıstan kimi Türk Dünyasında böyük maraq gördüyünü qeyd edib.
"Bu ölkələrdə böyük bir tamaşaçı kütləsinə çatdıq və film rekord qıran bir ekran işi oldu. Həmçinin, Azərbaycan, Malayziya, İndoneziya, Sinqapur kimi müsəlman ölkələrində də kinosevərlərlə görüşdük. Tamaşaçı reaksiyalarından çox razıyıq."
Türk serialları və mədəni əlaqələr
Akun, çıxışı zamanı Türk seriallarının Türk Dünyasına təsirindən də danışıb və bildirib:
"Türk serialları Türk Dünyasında böyük maraq görür. Bu, mədəni əlaqələr üçün böyük təsir gücünə malikdir. Mənim də bir serial çəkmək arzum var idi. Bu arzum gerçəkləşməsə də, 'Cənnət Anaların Ayaqları Altındadır' filmində bir dəqiqəlik bir Türk serialı səhnəsi var. Bu, mənim üçün xəyalımın bir parçası oldu. Türk Dünyasının 200 milyondan çox əhalisi var. Bu qədər böyük bir bazar üçün filmlərimizi bir-birimizə göstərməli və ortaq layihələr həyata keçirməliyik. Türk Dünyası üçün böyük bir kino bazarının formalaşacağına inanıram. Bu, Türkiyədə nümayiş edilən üçüncü filmimdir. Türk kinosunun böyük potensiala sahib olduğunu düşünürəm və hər fürsətdə əməkdaşlığımızı daha da inkişaf etdirməliyik."
21 martdan etibarən Türkiyə kinoteatrlarında nümayiş olunacaq “Cənnət Anaların Ayaqları Altındadır” filminə bütün kinosevərləri dəvət edirik.
Filmin nümayiş olunacağı şəhərlər:
İstanbul: Üsküdar, Fatih, Çamlıca, Eyüp, Zeytinburnu, Bayrampaşa
Ankara: Sincan, Keçiören, Altındağ, Pursaklar, Mamak, Polatlı
İzmir: Foça, Bornova, Karabağlar, Gaziemir, Menemen, Aliağa
Bursa: Osmangazi, Yıldırım, Nilüfer, Gemlik
Konya: Selçuklu, Meram, Karatay
Adana: Seyhan, Yüreğir, Çukurova, Sarıçam
Antalya
