― 19 марта 2025 г.

Almatıda III Beynəlxalq Elm Forumu keçirilib

Qazaxıstanın Almatı şəhərində 14-15 mart 2025-ci il tarixlərində Qazaxıstan Respublikası Mədəniyyət və İnformasiya Nazirliyi və Beynəlxalq Türk Mədəniyyəti Təşkilatı (TÜRKSOY) tərəfindən dəstəklənən, Qazaxıstan Respublikası Mərkəzi Dövlət Muzeyi ev sahibliyində Novruz mövzulu III Beynəlxalq Elm Forumu təşkil olunub.

Forumun ilk günündə keçirilən rəsmi açılış sessiyasında Qazaxıstan Respublikası Mərkəzi Dövlət Muzeyinin direktor müavini Galiya Temirton, Türkiyə Respublikasının Almatı Baş Konsulu Evren Müdderisoğlu, Azərbaycan Respublikasının Almatı nümayəndəsi Anar Hüseyinzadə və İranın Almatı Baş Konsulluğunun mədəniyyət ataşesi Hüseyin Ağazadə salamlaşma nitqi ilə çıxış ediblər.

Bu sessiyada TÜRKSOY-un Baş katibi Sultan Raev adından Türkdilli Topluluqlarla Əlaqələr Şöbəsinin rəhbəri Dr. Barış Cavid Mövsümlü çıxış edərək, Baş Katiblik adından muzeyə günün xatirəsinə hədiyyə təqdim edib.

Protokol nitqlərindən sonra TÜRKSOY Muzeylər Birliyinin fəaliyyəti haqqında təqdimat keçirilib. Edilən müraciətlər əsasında Qazaxıstan Respublikası Mərkəzi Dövlət Muzeyi, Tangbalı Dövlət Tarix, Mədəniyyət və Təbiət Qoruğu Muzeyi və Esik Dövlət Tarix və Mədəniyyət Qoruğu Muzeyinin direktorlarına TÜRKSOY Muzeylər Birliyinə üzvlük sertifikatları təqdim olunub.